Македонски центар за меѓународна соработка - МЦМС

Сите партии од големата четворка во Македонија имаат подеднакво слични шанси за победа, доколку утре би се одржале избори. Вака вели последната анкета реализирана од невладината МЦМС во соработка со Институтот за социолошко-политички истражувања.

Мнозинството граѓани (52,9 отсто) сметаат дека државата е најодговорна за решавањето на општествените потреби. Вербата во солидарноста на граѓаните е зголемена на 39,3 отсто од 26,4 отсто во претходната година. Постои висока согласност (92,1 отсто) дека новиот развој, вработувањето и оспособувањето на граѓаните се решение за проблемите, се вели во најновиот извештај што вчера го промовираше Македонскиот центар за меѓународна соработка, како резултат на истражувањето „Општествена одговорност на граѓаните“ кое се спроведува по вторпат.

Вчера во Велес беше отворена црковно-народна кујна. Со донација на Епархијата повардарска, МЦМС и Општината Велес, дневен топол оброк ќе добиваат од 150 до 180 сиромашни граѓани.

Под мотото „Различни а еднакви“ вчера беше отворен шестиот НВО-саем, на кој учествуваат околу 130 невладини организации и здруженија на граѓани. Темата на овој саем е „Еднакви можности за сите“, чија цел е да се информира јавноста со активностите на граѓанскиот сектор, да се зголеми соработката меѓу НВО-секторот и да се поттикнува дијалог.

На Скопскиот саем вчера беше отворен и шестиот по ред саем на невладини организации.

Под мотото Различни, а еднакви" 130 НВО од целата држава ја информираа јавноста за своите активности на вчера отворениот саем на невладини организации, кој има за цел зголемена соработка меѓу НВО и поттикнување на дијалогот меѓу актерите во општеството.