Македонски центар за меѓународна соработка - МЦМС

Македонија и Северна Ирска разменуваат искуства

Понеделник, 22 март 2010 15:50

Од денес па до 25 март 2010 година се реализира првата од шесте посети за размена на искуства меѓу Македонија и Ирска, пред се поврзани со искуствата за спроведување на Охридскиот рамковен договор и Северно Ирскиот договор од Велик петок.

МОСТ Македонија и Северна Ирска/Ирска – размена на искуства

Овие посети се дел од проектот МОСТ – граѓанско лидерство преку меѓународен дијалог, во кој МЦМС учествува во партнерство со Mediation Northern Ireland (МНИ), од Белфаст, а е поддржан од Европската Унија.

Ова прва делегацијата ја сочинуваат Ал Хачинсон, Полицискиот омбудсман на Северна Ирска, претставници на полицијата на Северна Ирска и на Република Ирска, како и претставници од граѓанското општество и академијата (Универзитетот во Даблин), со интерес во полициските и судските реформи.

Гостите од Северна Ирска ќе имаат средби со:

Иџет Мемети, Народен правобранител на Република Македонија,
Абдилаќим Адеми, заменик премиер задолжен за спроведување на Охридскиот договор,
Гордана Јанкуловска, министерка за внатрешни работи,
Џеват Адеми, Претседател на Комитет за односи меѓу заедниците,
граѓански организации (Хелсиншки комитет и коалицијата Сите за фер и правично судење),
МАНУ, како и
мисиите на ОБСЕ и Делегацијата на ЕУ во Македонија.

Гостите ќе ги посетат општините Јегуновце и Теарце како пример на пост-конфликтен развој; Полицискиот тренинг центар; како и полициската станица Карпош како пример на добра пракса.

МОСТ е проект за учење и вмрежување и има цел да ги адресираа прашањата на поделба преку создавање и развој на меѓународни врски, размена на добри практики и зајакнување на локалните медијатори со меѓународно искуство. Проектот има три столба. МЦМС е вклучен во првиот – транснационална размена на добри практики.