Македонски центар за меѓународна соработка - МЦМС

Советот на МЦСМ на 24 април 2012 година ја одржа својата петта седница на која расправаше за Деловниот извештај за 2011 година заедно со финансискиот извештај и независното ревизорско мислење.

МЦМС на 19 и 20 април 2012 година во Маврово организираше основна обука на тема „Вклучување во креирање политики и подготовка на закони“. Обуката беше наменета за претставници на граѓанските организации кои немаат претходно искуство во процесите на подготовка на закони.

Од 19-21 март, МЦМС одржа обука за раководење со проектен циклус, со фокус на набљудување и оценка, за шест организации од Косово.

МЦМС, во рамките на проектот „Граѓански дијалог на локално ниво“, го водеше процесот на подготовка на стратегии за соработка помеѓу граѓанските организации и општините во Битола, Дебар и Јегуновце.

Денес (24.03.2012 година) во 14 часот беше затворен Форумот на граѓански организации од прекуграничниот регион на Република Македонија и Република Албанија. Во двата дена колку што траеше, настанот го посетија околу 800 граѓани на пограничниот регион, но и пошироко.