Македонски центар за меѓународна соработка - МЦМС

На 19 ноември 2009 година се одржа последователната форумска сесија во општината Карбинци. Заинтересираните граѓани имаа можност да слушнат како се завршиле активностите што самите тие ги развиваа, планираа и формулираа во текот на шесте форумски сесии во 2008 година.

МЦМС во соработка со општината Јегуновце ја започна кампањата „Чиста сметка - здрава вода“. Кампањата има за цел да ја зголеми јавната свест за потребата од  индивидуални приклучоци со водомери и плаќање на водата што се користи од новите водоводни системи во општина Јегуновце.

Во рамките на својата посета на Македонија, делегацијата на Одборот на директори на Европската банка за обнова и развој (ЕБРД), на 12.11.2009 година се сретна со претставници на граѓанските организации.

Денес во Велес беа промовирани Граѓански информатори за услуги, кои треба да обезбедат пристап на граѓаните до информации за услугите. Промоцијата беше дел од одбележувањето на 9 ноември и 65 години слободен Велес.

Советодавниот комитет на Цивикус – Индексот на граѓанското општество го одржа својот прв состанок на 4 ноември 2009 година. Членовите на Комитетот имаа можност да слушнат повеќе информации за овој акциско-истражувачки проект кој ја проценува состојбата со граѓанското општество во земјите во светот.  [ … ]