Македонски центар за меѓународна соработка - МЦМС

МЦМС го започна истражувањето Цивикус – Индекс на граѓанското општество за Република Македонија. Целта на истражувањето е да собере и сподели корисни и релевантни информации за состојбата со граѓанското општество.

Една од активностите е анкетата со граѓанските организации. Анкетата се спроведува преку интервјуа со претставници на граѓанските организации. Интервјуто е засновано на прашалник и трае најмногу половина час. МЦМС ангажираше анкетари што ќе ги спроведуваат интервјуата.

МЦМС ве поканува да се вклучите во анкетата. Доколку не бидете контактирани, а сакате да учествувате, испратете ни порака или јавете му се на анкетарот кој е одговорен за вашето место/регион. Претставникот на вашата организација кој ќе одговара на интервјуто треба да биде овластено лице кое е запознаено со повеќето аспекти на организацијата и граѓанското општество.

МЦМС за прв пат го спроведе овој меѓународен акциско-истражувачки проект во периодот 2004 – 2006 година, од кој произлезе сеопфатниот извештај за состојбата со граѓанското општество „По 15 години транзиција – од стабилизација кон граѓанско учество“.