Македонски центар за меѓународна соработка - МЦМС

На 29 март, се одржа интерна работилница за дискусија на Системот за следење на корупција и негово проширување за следење на состојбите во доменот на заробеноста на судство и медиуми за 19 претставници од 7 организации од регионалната мрежа за антикорупција СЕЛДИ.

Александар Герганов, експерт од Центарот за изучување на демократијата (ЦСД) од Бугарија го презентираше постоечкиот систем за следење на корупцијата, сподели наоди и искуства од досегашното спробведување на истржувањето во земјите од регионот и даде насоки за негова имплементација.

Во продолжение, беа презентирани дефиниции и постоечки методологии за проценка на заробеност на медиумите и судството, по што следеше дискусија за можноста за проширување на методологијата со прашања во овие области.

Во вториот дел од работилницата, Тодор Галев, експерт од ЦСД се фокусираше конкретно на дефинирање и анализа на заробеност на медиумите, околина, концепти, извори на информации, по што следеше дискусија на што  и во колкав обем би можеле да се фокусираат истражувањата во следниот период. 

Проектот го координира МЦМС, а се спроведува во соработка со шест организации од регионот. Финансиската поддршка е обезбедена од Европската Унија.