Македонски центар за меѓународна соработка - МЦМС

МЦМС изврши дистрибуција на зимска облека за бегалците во транзитниот центар „Винојуг“ кај Гевгелија. Покрај зимски јакни и чизми, за бегалците беа обезбедени и дистрибуирани и чорапи, шалови, капи и ракавици.

МЦМС дневно ги следи потребите на бегалците на терен и постојано се координира со останатите релевантни чинители. На основа на таа координација ќе се набавуваат продукти (јакни, чевли, кабаници, ранци, вреќи за спиење, ќебиња и сл. ) за кои има најголема потреба. 

Продолжија и активностите за обезбедување на електрична енергија во транзитниот центар „Табановце“. Во овој момент најголем дел од транзитниот центар има напојување со струја. 

Овие активности се дел од одговорот на МЦМС на бегалската криза со која се соочи Македонија како транзитна земја. Проектот „Поддршка за бегалците во Македонија“ започна да се спроведува во почетокот на ноември 2015, а ќе трае до крајот на март 2016 година. Финансиската поддршка е обезбедена од НЦА (Norwegian Church Aid)  која е членка на Акт Алијансата (Act Alliance).