Македонски центар за меѓународна соработка - МЦМС

МЦМС во соработка со неколку локални организации во текот на мај и јуни организираше информативни настани посветени на новиот Закон за здруженија и фондации.

Вработените на МЦMС, од 11 до 13 јуни 2010 година имаа можност да бидат дел од обуката за финансиско управување што се одржа во Маврово, а ја организираше МЦМС.

Од 23-ти до 28-ми мај 2010, МЦМС организираше студиска посета на Белфаст (Северна Ирска). Целта беше да се разменат постконфликтните искуства помеѓу Македонија и Северна Ирска од делокругот на полицијата и правдата.

Од 26 до 28 мај 2010 година, во Скопје МЦМС ја спроведе обуката за партиципативно буџетирање. На обуката учествуваа 16 претставници на граѓански организации.

Европскиот социјален и економски комитет (ЕЕСЦ) беше домаќин на Третиот форум на граѓанското општество на Западен Балкан што се одржа во Брисел на 18 и 19 мај 2010 година. Форумот ја реафирмира европската перспектива на земјите од Западен Балкан и побара подобро спроведување на законите.