Македонски центар за меѓународна соработка - МЦМС

Дванаесет грантисти на Цивика мобилитас ги завршија планираните работилници „Острови на интегритет“. За време на четвртата работилница што се одржа на 20 ноември 2024 година тие работеа на своите стратешки, и на акциските планови за интегритет на нивните организации.

 

 

Акциските планови всушност беа разработка на стратегиите кои ги формулираа за време на претходните работилници, а кои опфатија три главни цели: 1) да се ограничат монополот и дискрецијата при носењето одлуки, 2) да се подобрат транспарентноста и отчетноста и 3) да се зголемат придобивките од работењето со интегритет и да се намалат загубите поради корумпираност.

 

 

Дискусиите во текот на работилницата овозможија да се разјаснат дел од дилемите. За останатите предизвици, организациите ќе можат да се консултираат со нивните ментори. По работилницата, организациите ќе ги продолжат интерните разговори за планираните стратегии и активности и ќе го подготват првиот нацрт на Стратешкиот и на Акцискиот план. Овие документи ќе бидат финализирани по коментарите од менторките, а организациите ќе почнат да ги спроведуваат

од почетокот на следната година.

 

---

• Позитивните општествени промени се можни преку соработката на Владата и граѓанските организации
• Годишна конференција на граѓански организации за соработка помеѓу Владата и граѓанското општество
• Државното финансирање на граѓанските организации е инвестиција
• Граѓанските организации развиваа стратегии за одржливо финансирање
• Цели и стратегии за градење на „Островите на интегритет“

---