Македонски центар за меѓународна соработка - МЦМС

Продолжија информативните состаноци со претставниците на населените места во општините во кои се спроведува програмата „Оспособување на жените погодени во конфликтот (ОЖП)“. Оваа недела, беа одржани состаноци за општините Чаир, Јегуновце и Липково. На состаноците се разговараше за изборот на корисничките на програмата и начинот на спроведување на активностите.

Претставниците на месните заедници, училиштата, локалните деловни субјекти и граѓанските организации, советите, општинската администрација, како и на целната група се интересираа за бројот на жените кои може да се вклучат во програмата, за критериумите за избор, соработката со локалните граѓански организации, како и за видот на курсевите.

Претходно се одржаа информативни средби со жителите и претставниците на општините Теарце и Желино, а следуваат состаноците во Сарај и Маврово и Ростуша.

ОЖП е финансирана од Европската Унија во рамките на 4-та компонента на Инструментот за претпристапна помош (ИПА), а се спроведува во партнерство со Флоренс Најтингел, Инцијатива за европска перспектива и Рекански бисер. Целта на програмата е поддршка на пристапот на жените погодени од конфликтот до пазарот на трудот.