Македонски центар за меѓународна соработка - МЦМС

Македонскиот центар за меѓународна соработка денес (17 декември 2009 година) го промовираше првиот Адресар на организациите на иселениците од Македонија.

Македонскиот центар за меѓународна соработка во соработка со Агенцијата за иселеништво на Република Македонија го подготвија првиот Адресар на организациите на иселениците од Македонија.

Од 23-27 ноември, Одборот на директори на МЦМС беше во посета на Северна Ирска. Повод беше започнувањето на проектот Мост – граѓанско лидерство преку меѓународен дијалог, кој ќе се спроведува во партнерство со Mediation Northern Ireland (МНИ), од Белфаст.

На 19 ноември 2009 година се одржа последователната форумска сесија во општината Карбинци. Заинтересираните граѓани имаа можност да слушнат како се завршиле активностите што самите тие ги развиваа, планираа и формулираа во текот на шесте форумски сесии во 2008 година.

МЦМС во соработка со општината Јегуновце ја започна кампањата „Чиста сметка - здрава вода“. Кампањата има за цел да ја зголеми јавната свест за потребата од  индивидуални приклучоци со водомери и плаќање на водата што се користи од новите водоводни системи во општина Јегуновце.