Македонски центар за меѓународна соработка - МЦМС

Од околу 5 илјади невладини организации во Македонија, денеска само осум дадоа отчет пред јавноста за тоа како работеле и колку пари потрошиле минатата година.

Специјална олимпијада - Македонија ја доби наградата за одржлив развој Херт Јан ван Апелдорн за постигнување во претходната година, која четврта година по ред ја доделува Македонскиот центар за меѓународна соработка (МЦМС). Како што објаснија претставниците на МЦМС, на свечената церемонија, наградата се доделува „за промоција и за поддршка на правото на поединците, групите и луѓето да учествуваат, да придонесуваат и да уживаат во континуиран економски, социјален, културен и политички развој, во кој сите во целост ќе ги остварат своите човекови права и фундаментални слободи“.

Претставници на невладиниот сектор што ја организираа кампањата „Кажи Македонија“ во текот на мај ќе се сретнат со европски политичари во седиштето на Советот на Европа, во Стразбур.

Што ќе донесе продажбата на ЕСМ? Катастрофални последици по целата економија, тврдат економските експерти. Владините експерти пак велат, нови инвестиции и квалитетно снабдување со електрична енергија, која ќе биде само малку поскапа од сегашната.

Жителите од село Арнакија во Општина Сарај ќе добијат водовод најдоцна до крајот на мај. Имер Селмани, градоначалник на Општината, вели дека градежните работи за поставување секундарна водоводна мрежа, во должина од 9 километри, се при крај и дека во следните месец и половина треба да постават приклучоци до индивидуалните објекти.