|
 Сашо Клековски
Оваа е-пошта е заштитена од spambots, треба да вклучите JavaScript за да ја видите
Роден е на 13 април 1966 година во Скопје. Завршил Медицински факултет во Скопје. Оженет со Ана и има две деца Ангелина и Никола. Неговото искуство е дваесетгодишна работа на раководни позиции во граѓанскиот сектор. На крајот на осумдесеттите и почетокот на деведесеттите ги води Сојузот на студентите по медицина на Македонија и Сојузот на студентите на Универзитетот „Св. Кирил и Методиј“. Во 1993 година е еден од основачите, а од 1994 година до јуни 2011 година е извршен директор на Македонскиот центар за меѓународна соработка. Од 1998 до 2008 година е застапник на Македонската развојна фондација за претпријатија. Тој е член на повеќе комитети во Македонија и во странство, вклучувајќи и во Управниот одбор на Транспарентност Македонија. Потпретседател е на Деловниот совет на Универзитетот Американ колеџ - Скопје. Тој е прв ко-претседател на Заедничкиот консултативен комитет на граѓанското општествомеѓу Европската Унија и Република Македонија за периодот 2009-2010 година. Тој има длабоки разбирања и знаења за граѓанското општество во Македонија. Има искуство на Балканот, како и во Кавказ (Грузија), Централна Азија (Казахстан, Киргистан). Тој има знаења и вештини за секторски анализи, анализи на организации и управување, развој на капацитети, застапување, управување со конфликти и постконфликтен одговор.
 http://mk.linkedin.com/in/sashoklekovski/
|
