Семинари и работилници
Со овој проект, финансиски се поддржа одржувањето на една тркалезна
маса под наслов “Состојбата и перспективите на верскиот образовен
систем во рамките на Исламската верска заедница”. Одржувањето на
тркалезната маса беше под покровителство на Исламската верска
заедница на Република Македонија, а во организација на Факултетот за
исламски науки - Скопје.
Тркалезната маса се одржа на ден 17.05.2004 година во хотел “Холидеј
Ин” Скопје. На собирот учествуваа верски работници и интелектуалци
од Македонија, Албанија и Косово кои со своите трудови дадоа
придонес кон разгледувањето на дадената тема и понудија идеи за
потребните реформи во верскиот образовен систем.
По иницијатива на Евангелско-методистичката црква (ЕМЦ), од 03
до 05 април 2006 година во хотелот Сириус, Струмица, се одржа
Меѓурелигиска конференција на темата: Како меѓусебно се однесуваат
религиите во новонастанатиот плуралистички свет? Учество на
конференцијата земаа претставници од: Македонската православна црква
(вклучително и од Богословскиот факултет од Скопје), Исламската
верска заедница (и Факултетот за исламски науки), Католичката црква
и Евангелиско-методистичката црква. На конференцијата имаше 30
учесника. |