Семинар за меѓуверски дијалог
Со
цел да се пренесат искуствата од странство од областа на
меѓуверскиот дијалог, беше предвидено да се поканат претставници од
Исламско-христијанскиот студиски центар од Копенхаген, Данска, кои
преку еднодневен Семинар за меѓуверки дијалог на Богословскиот
факултет и Факултетот за исламски науки во Скопје би ги претставиле
нивните достигнувања на ова поле.
Семинарот се одржа на 13 септември 2004 година во просториите
на Факултетот за исламски науки (претпладне) и Богословскиот
факултет (попладне).
Како учесници и слушатели на семинарот беа присутни претставници од
повеќе верски заедници. Поголемиот број на присутни учесници на
семинарот беа од Факултетот за исламски науки и од Исламската верска
заедница. Останатите учесници беа од: Богословски факултет и
Македонска православна црква, Евангелско-Методистичка црква,
Католичка црква, Прахристијанска заедница “Универзален живот”,
Комисија за односи со верски заедници и религиозни групи, ХО Ел
Хилал и од МЦМС. Семинарот го следеа околу 70 учесници.
За најкорисно на семинарот учесниците ги издвоија: дијалогот,
чувството на соживот и желбата да живееме заедно; размена на
искуства, доаѓање до нови сознанија; меѓусебни контакти и споделени
искуства.
Галерија:
Кратенки:
МЦМС – Македонски центар за меѓународна соработка
МПЦ – Македонска православна црква
ПБФ – Православен богословски факултет
ИВЗ – Исламска верска заедница
ФИН – Факултет за исламски науки
КЦ - Католичка црква
ЕМЦ – Евангелско-методистичка црква
ЕЗРМ – Еврејска заедница во Република Македонија |