Македонски центар за меѓународна соработка - МЦМС

„Не можете да не комуницирате!“, ова е првото правило што го одредува текот на комуникацијата. Комуникацијата е процес на испраќање пораки и примање одговор од примателот за тоа како тој/таа ја примил/а пораката.

Со учество на оваа обука ја научите важноста на ефикасното и  ефективно комуницирање при водењето на состаноци, постигнување најмногу од состаноците, приоретизирајќи ги резултатите и целите кои треба да се постигнат. Кон крајот на обуката учесниците ќе бидат способни да:  направат разлика помеѓу добра и лоша комуникација; идентификуваат фактори кои можат да бидат препрека во комуникацијата; употребуваат техники за  елиминирање или намалување на причините кои доведуваат до пречки  во комуникацијата; ги толкуваат и применуваат пораките пренесенувани преку говор на телото; применат активно слушање и поставување прашања; разберат и можат да го применуваат концептот на позитивна/негативна повратна информација-фидбек; одредат сопствениот стил на личност и да ги препознаваат другите стилови на личности; знаат елементите на добра комуникација во работната средина; стекнат  вештини за планирање и водење на ефективни состаноци/настани.

Содржина

• Вовед во комуникација;
  
• Типови на комуникација;
  
• Двонасочна комуникација;
  
• Невербална комуникација;
  
• Комуникацијата и стилови на личност;
  
• Стилови на комуникација;
  
• Активно слушање/повратна информација при комуникација - фидбек;
  
• Пречки во комуникацијата;
  
• Емпатија;
  
• Комуникација во функција на градење односи во работната средина;
  
• Основни поими за фацилитација/ основни поими за фацилитатор;
  
• Основни вештини на фацилитација;
  
• Типови одлуки;
  
• Ефективни состаноци/настани;
  
• Асертивни техники;
  
• Техники на дискусија.