| Меѓурелигиска соработка во Македонија - извршно резиме |
 |
 |
 |
| Понеделник, 13 октомври 2008 15:03 | |||
|
Целта на програмата е да се зголеми меѓусебното разбирање меѓу верските заедници и разбирањето за нив кај Македонската јавност воопшто. Целна група е целокупната јавност во Македонија. Конкретна целна група се членовите и активисти на верските заедници во Македонија, со фокус на студентите (и професорите) на образовните институции (теолошки факултети и делумно средните училишта) на верските заедници. Соработката, дијалогот и разбирањето помеѓу верските заедници се неопходни компоненти при градењето на едно здраво демократско општество. Членовите на верските заедници, свештениците можат да играат значајна улога во промоцијата на мирот и почитувањето на разликите, особено затоа што овие вредности треба да ги поседуваат и да ги пренесуваат на нивните верници. Програмата е насочена најмногу кон студентите на Православниот богословски факултет и Факултетот за исламски науки, кои како идни свештеници би требало да ги осознаат и другите религии, да ги негуваат релациите со свештениците од другите религии и да ги претставуваат дијалогот и соживотот помеѓу граѓаните со различно етничко и верско потекло како единствениот начин за едно одржливо и конструктивно општество. Со цел да се постигнат овие резултати беа креирани неколку проекти (размена на предавања, посети на теолошките факултети и верски објекти, обуки за основни вештини, меѓуверски летни кампови, посети на позитивни примери и техничка поддршка на теолошките факултети, локални средби и дебати, меѓуверски календар и фонд за иницијативи на верските заедници, билтен за меѓурелигиска соработка, инфо и дијалог центар, компаративни студии и адресар на верските заедници). Преку проектите се настојува да се развие образовната, културната и информативната компонента кај целната група. Покрај студентите на двата теолошки факултети во активностите од програмата учествуваа и другите верски заедници кои немаат образовни институции во државата Католичката црква, Евангелско - методистичката црква и Еврејската заедница, а во дел од активностите беа вклучувани и помалите верски заедници. Меѓурелигиска соработка во Македонија е уникатна програма која во своето петгодишно постоење успеа да изгради мостови на добра волја и соработка помеѓу православните, исламските, католичките, еврејските и протестантските свештеници, студенти и членови на верските заедници во Македонија. Со поддршка на МЦМС програмата е планирана да се спроведува до октомври 2008 година, додека по овој период се очекува дека верските заедници самостојно да продолжат со соработката и реализацијата на дел од активностите. Програмата е подржана од данската и норвешката влада, во соработка со Данската црковна помош (ДЦА) и Норвешката црковна помош (НЦА). Мултимедијална презентација на програмата. Завршен извештај од програмата. Завршени проекти:
|
Програмата Меѓурелигиска соработка во Македонија започна во 2003 година, како иницијатива на Македонскиот центар за меѓународна соработка (МЦМС), а во соработка со верските заедници во Македонија.Google translate
Најнови
- Клучните постигнувања и резултати на организациите кои спроведоа грантови за брз одговор во борбата против корупцијата
- Делувањето во партнерство и соработката се едни од клучните фактори за ефективно учество во креирање политики на локално ниво
- Дигиталната трансформација води кон поефективно и ефикасно функционирање на граѓанските организации
Најпопуларни
- Граѓанските организации се клучен фактор и партнери за промени во борбата против корупцијата
- Покана за учество на „Антикорупциски караван“
- Годишна конференција на граѓански организации за соработка помеѓу Владата и граѓанското општество
- Секој разговор, секоја акција и пријава не води поблиску до целта, а тоа е општество без корупција! Антикорупцискиот караван започна од Битола
- Борба за Влае – приказна за здружената битка против корупцијата
Следи нé
Навигација
Проекти
Вести и јавност Вести Меѓурелигиска соработка во Македонија - извршно резиме