Македонски центар за меѓународна соработка - МЦМС

Дали вашата организација има потреба од поддршка во подобрување на своето работење, градење капацитети и долгорочен развој?

Граѓанскиот ресурсен центар објавува повик за граѓански организации за учество во програма за менторска поддршка насочена кон зајакнување на организациските капацитети и унапредување на внатрешните процеси на организациите.

Преку оваа програма, пријавените организации ќе добијат директна поддршка од ментори во една или повеќе од следните области:

• Дигитална трансформација – воведување или подобрување на дигиталните алатки, процеси и комуникации во граѓанската организација
• Волонтерство – развивање на програма за волонтирање, ангажирање и управување со волонтери
• Финансиски менаџмент – транспарентност, отчетност и ефективно управување со финансиите на граѓанската организација, буџетирање и финансиско известување
• Стратешко планирање – дефинирање на долгорочни цели и насоки на делување на граѓанската организација и подготвување на стратешки план
• Застапување – развој на стратегии за влијание врз јавни политики и промовирање на граѓански иницијативи
• Erasmus + – Карактеристики и специфики на програмите на Erasmus +
• Проектен менаџмент – ефективно планирање и спроведување на проекти
• Добро управување, транспарентност и отчетност на граѓанската организација
• Видливост и односи со медиуми на граѓанската организација
• Административно работење на граѓанската организација
• Анализа на организациски капацитети

Кој може да аплицира?

Повикот е отворен за граѓански организации регистрирани согласно на Законот за здруженија и фондации, кои активно работат на локално, регионално или национално ниво и имаат потреба од поддршка во една или повеќе од наведените области.

Како да аплицирате?

Заинтересираните организации треба да изразат интерес објаснувајќи ги главните предизвици и областите во кои бараат менторска поддршка.

Што добивате?

✅ Индивидуален пристап и менторска поддршка
✅ Конкретни алатки и ресурси за долгорочна примена
✅ Поддршка во применување на наученото во практична употреба

Не ја пропуштајте можноста да ја зајакнете вашата организација и да го подигнете вашето влијание во заедницата!

За дополнителни информации, контактирајте нè на:  Оваа е-пошта е заштитена од spambots, треба да вклучите JavaScript за да ја видите  

Пријави се на следниов форумулар на ГРЦ.