Македонски центар за меѓународна соработка - МЦМС

Македонскиот центар за меѓународна соработка (МЦМС), во рамките на проектот „Огледало на Владата“, од 2012 г. го следи Единствениот национален електронски регистер на прописи (ЕНЕР - www.ener.gov.mk).

На 25 декември 2014 г. е пуштен во употреба новиот ЕНЕР, на кој покрај новиот дизајн, е направено и техничко и содржинско унапредување.

Со цел да ја информираме јавноста за главните измени кои се направени на ЕНЕР подготвивме „Водич за новините на ЕНЕР”. Водичот ќе им послужи на сите корисници на ЕНЕР и како алатка за полесно толкување на информациите за статусот на одреден предлог-закон и за вклучување во процесот на консултации преку ЕНЕР.

Водичот е подготвен во рамките на Програмата на УСАИД за антикорупција, финансиран преку Агенцијата на САД за меѓународен развој (УСАИД). Програмата ја спроведува МЦМС.