Македонски центар за меѓународна соработка - МЦМС

На 28 февруари 2013 г. во рамките на програмата „Оспособување на жените погодени во конфликтот“ (ОЖП) се одржа обука за водење на интервјуата со идентификуваните жени, потенцијални кориснички на програмата.

На обуката учествуваа 14 претставници на партнерските организации. Тие ќе ја подготвуваат студијата за состојбата со пазарот на трудот, побарувачката и понудата на работна сила, во седумте општини во кои се реализира програмата. Со студијата треба да се идентификуваат потребите и потенцијалите на жените во регионите погодени од конфликтот, како и потребите и подготвеноста на деловните субјекти да ги вработат или ангажираат оспособените жени.

Покрај интервјуата со домаќинствата (со фокус на нивните женски членови), во текот на март ќе се спроведат и интервјуа со претставници на локалните јавни институции, претпријатија и граѓански организации.

ОЖП е финансирана од Европската Унија во рамките на 4-та компонента на Инструментот за претпристапна помош (ИПА), а се спроведува во партнерство со Флоренс Најтингел, Инцијатива за европска перспектива и Рекански бисер.