Македонски центар за меѓународна соработка - МЦМС

Дали знаевте за Адресарот на граѓански организации во Македонија? Дали вашата организација е веќе дел од овој Адресар или сакате да ја додадете? Сега имате можност да го направите тоа! Ви го претставуваме Адресарот на граѓански организации, совршена алатка за сите кои сакаат да се информираат или поврзат со активните организации во државата.

Што нуди Адресарот?
• Основни податоци за повеќе од 6.500 граѓански организации кои се регистрирани во Централниот регистар на РМ
• Ажурни контакт информации (имејл, веб-страна, социјални медиуми)
• Лесно пребарување и листање на организации според сектори на делување, општини и региони

Што можете да направите?
Ако вашата организација недостасува или има погрешни податоци, лесно можете да ги додадете или ажурирате преку пополнување на едноставен формулар.

Зошто да го користите?
• Ја подобрува меѓусебната информираност и комуникација меѓу организациите
• Го олеснува вмрежувањето меѓу организациите
• Ја зголемува видливоста на организациите

Адресарот е достапен на e-платфромата на Цивика мобилитас. Користете го и поврзете се со нови можности за соработка и развој!