Македонски центар за меѓународна соработка - МЦМС

На 21 октомври оваа година, со свечено потпишување на договорите за реализација на програмата „Форуми во заедницата“ на Швајцарската агенција за развој и соработка (СДЦ), вчера во Скопје, беа промовирани новоизбраните општини Кочани, Битола, Ново Село, Берово, Сарај, Ресен, Долнени и Свети Николе, во кои ќе се реализира втората фаза од програмата.

Македонскиот центар за меѓународна соработка е избран да работи во две нови општини, Битола и Ресен, до април 2010 година. Моментално МЦМС ги спроведува активностите од програмата во општина Карбинци.

Во реализацијата на програмата покрај ЗЕЛС учествуваат и пет граѓански организации.

Главната цел на програмата „Форуми во заедницата“ е да се поддржи партиципативниот развој на заедниците на локално ниво, со форумскиот процес преку кој им се овозможува на граѓаните со сопствени идеи и учество во работата на локалните власти да го подобрат сопствениот живот.

Буџетот за втората фаза, која ќе се одвива од ноември годинава до април 2010 година, изнесува вкупно 60 милиони денари, од кои 44,5 милиони денари се донација на СДЦ, а 15,5 милиони денари сопствено учество на општините.