Македонски центар за меѓународна соработка - МЦМС

На јавниот повик за доделување на грантови за транспарентност на граѓански организации (референтен бр. 11-26/1-2020), пристигнаа 67 пријави од сите плански региони во земјата.

Најголем дел од организациите кои доставиле пријава се регистрирани во Скопскиот регион (25), потоа во Пелагонискиот (9), Источниот (8), Југоисточниот (7), Полошкиот и Североисточниот (по 5), а најмалку апликации пристигнаа од Вардарскиот регион (4).

Во моментов се врши административна проверка на пријавите и проверка за подобност, по што, за сите кои ги исполнуваат основните критериуми ќе биде направена оценка. МЦМС ќе додели најмалку седум грантови со кои здруженијата ќе можат да си ги подобрат организациските практики за транспарентно работење. 

Повикот е дел од програмата „Одржливо граѓанско општество – државно финансирање на ГО“ која ја спроведува МЦМС во партнерство со Балканската мрежа за развој на граѓанското општество (БЦСДН) и Центарот за информирање, соработка и развој на граѓанските организации (ЦНВОС) од Словенија, а е финансирана од Европската Унијa.