Македонски центар за меѓународна соработка - МЦМС

За успешно интегрирање на ромските ученици во училиштата, Македонскиот центар за меѓународна соработка (МЦМС) во соработка со Министерството за образование и наука и Бирото за развој на образованието, почна со реализација на проектот "Двојазични училишни материјали".

За прв пат е изработена едиција на македонски и ромски јазик, која претставува дополнителна вредност во процесот на промоцијата на ромската култура и традиција, а со тоа и кон намалување на предрасудите и стереотипите за Ромите.
За подобро меѓусебно запознавање, учениците од училиштата каде бесплатно ќе се дистрибуираат примероците, ќе можат да научат нови приказни, да се запознаат со истакнати Роми во светот како што се познатиот актер Јул Бринер и џез музичарот Џанго Рајнхард.
МЦМС веќе петта година ја реализира Програмата "Перманентно образование за младите Роми" во 15 основни училишта од 11 градови во Македонија.
(М.Г.)

Извор: Вечер (27.декември.2005)