Македонски центар за меѓународна соработка - МЦМС

Датум: јануари 2026
PDF EN: MCIC Policy Brief No.21 Tackling Corruption on the Road to EU Accession.pdf

Овој документ за политики ја анализира вкоренетата корупција на високо ниво и заробеноста на државата како клучни пречки за пристапувањето кон ЕУ на земјите од Западен Балкан. Во документот се заклучува дека, и покрај значителното усогласување на законодавството со стандардите на ЕУ и постојаната меѓународна финансиска поддршка, антикорупциските реформи и понатаму се слабо применети, и трпат политички влијанија и ограничена институционална координација, што резултира со значителен јаз меѓу формалната усогласеност и реалните резултати во управувањето.

Врз основа на наодите од СЕЛДИ, проценките на ЕУ за владеење на правото, како и регионални анализи на политики, овој документ ја оценува улогата и ефективноста на условеноста при пристапување на ЕУ, како и финансиската поддршка во унапредувањето на антикорупциските реформи и зајакнувањето на институциите за владеењето на правото. Во документот се потенцира дека реформските напори често ставаат приоритет на донесување на законодавство, наместо на неговата примена и мерливото влијание. Документот дава препораки за градење политики насочени кон зајакнување на институционалната независност, поврзување на помошта од ЕУ со антикорупциски стандарди базирани на резултати, унапредување на транспарентноста преку дигитални алатки за управување и зајакнување на граѓанскиот надзор како клучни елементи за одржливи реформи и кредибилен напредок во процесот на проширување на ЕУ.