Македонски центар за меѓународна соработка - МЦМС

Локалниот економски развој на Велес како услов за опстојување на општината во процесот на децентрализацијата запна кај бизнис секторот. Ниту изготвената стратегија за економски развој обидите на општината да воспостави контакт на велешките бизнисмени со потенцијални инвеститори не вродија со плод.

Македонија ќе влезе во ЕУ кога власта ќе се справи со корупцијата, невработеноста, непотизмот и кога ќе почне да ги почитува законите што сама ги донесува. Државата треба да ги искористи сите можности за што побрз влез во ЕУ, вклучувајќи ги и потенцијалите на невладините организации, рекоа учесниците на завршната сесија на тридневниот Форум на граѓанското општество. Главна цел на Форумот беше да ги обедини невладините организации заеднички да придонесат кон побрзи евроинтеграции.

Под мотото „Заедно за едно - Македонија во Европската Унија“ вчера во Скопје почна четвртиот Форум на граѓанското општество, кој има цел да ги подобри комуникацијата и соработката меѓу невладините организации, државата, деловниот сектор и граѓаните. Саемот ќе трае до недела.