Македонски центар за меѓународна соработка - МЦМС

Македонските граѓани не им веруваат многу на институциите. Тоа го покажуваат резултатите од спроведената анкета на Македонскиот центар за меѓународна соработка врз 1.601 испитаник.

Доверба во институции

• Медиуми - 53%
• Деловен сектор - 52%
• Граѓански сектор - 45%
• Држава - 38%
• Политички партии - 24%

Од институциите, медиумите се со најголема доверба, но и најголем пад. Скоро 53% им веруваат на медиумите, 47% не. По нив следи приватниот сектор, а најмалку граѓаните им веруваат на политичките партии, дури 76%.

Од државниот сектор испитаниците најмногу им веруваат на образовните институции. Така одговориле 68%. Се уште висока доверба има АРМ, но и полицијата.

Владата, и покрај зголемената доверба, заедно со Претседателот и Собранието остануваат со низок праг доверба. Во Владата веруваат 46% од испитаниците, во Претседателот 35%, а во Собранието 32%. Во судството 78% од граѓаните немаат доверба.

Доверба во државниот сектор

• Образовни институции - 68%
  
• АРМ - 64%
  
• Влада - 46%
  
• Претседател - 35%
  
• Собрание - 32%
  
• Судство - 22%

„Она што е посебно за истакнување овојпат е дека истиот тренд може да се забележи во довербата во полицијата. Значи, еднаква е довербата и на етничките Македонци и на етничките Албанци во полицијата, што е мала промена во однос на минатата година“, изјави Александар Кржаловски, МЦМС.

Доверба во професии:

• Професори и наставници - 65%,
  
• Лекари - 54%,
  
• Полицајци - 50%,
  
• Судии - 25%,
  
• Цариници - 17%.

Мнозинството од испитаниците одговориле дека граѓанските организации служат за доаѓање до пари на поединци, а дури 70% дека се злоупотребуваат од политичките партии.

Дури 60% немале одговор кои граѓански организации придонесуваат за борба со корупцијата, а 72% не знаеле кои придонесуваат за економскиот развој.

Извор: А1 (10.10.2007)