Македонски центар за меѓународна соработка - МЦМС

Граѓанскиот ресурсен центар ќе одржи онлајн информативна сесија за Повикот за акциски грантови со кои ќе бидат поддржани граѓански организации кои ќе предложат активности поврзани со локалните избори 2025 година.

Информативната сесија ќе се одржи на 4 март 2025 година во 11 часот на платформата Зум. Заинтересираните можат да се пријават најдоцна до 3 март и да се регистрираат на следниот линк https://rcgo.mk/vesti/povik-za-akciski-grantovi-za-poddrshka-na-lokalnite-izbori-2025/. 

Целта на повикот е да ги зајакне граѓанските организации во нивното активно учество и ангажираност за инклузивни, транспарентни и отчетни локални избори со фокус на учеството на жените, младите и маргинализираните групи.

Рокот за поднесување на апликација е четврток, 10 април 2025 година, најдоцна до 17:00 часот (македонско време) преку е-пошта на This e-mail address is being protected from spambots. You need JavaScript enabled to view it .

Вкупниот фонд за акциските грантови  е 110.000 евра. Ќе бидат одобрени 11 грантови. Секој поединечен грант ќе биде во износ од 9.000 до 10.000 евра, а треба да биде спроведен во период од 9 до 12 месеци.

Секое дополнително прашање поврзано со повикот може да се достави на следнава е-пошта: This e-mail address is being protected from spambots. You need JavaScript enabled to view it со назнака: Прашање за повик со референтен број 08-20/1-2025, најдоцна до 20 март 2025 г. до 17:00 часот (македонско време).