Македонски центар за меѓународна соработка - МЦМС

Во периодот од 20 до 25 септември 2024 година, тимот на Граѓанскиот ресурсен центар организираше четири информативни сесии во Гостивар, Штип, Битола и Скопје за Повикот за Акциски грантови за локални иницијативи.

На овие информативни сесии над 80 заинтересирани претставници на граѓанските организации се информираа за условите на повикот.

Од страна на тимот на Граѓанскиот ресурсен центар беше истакнато дека целта на овој повик е зајакнување на локалните организации, стимулирање и зголемување на нивниот придонес во заедницата и јакнење на нивната врска со нивните конституенти и граѓаните, воопшто. Овој повик ќе поддржи иницијативи кои се однесуваат на пошироката заедница и ќе се однесува на прашања кои подразбираат зајакнување на локалната демократија, активното граѓанство и општествената одговорност преку надминување на горливи локални прашања, вклучувајќи, на пример, активности за решавање општествени, еколошки, младински, социјални, родови и други предизвици кои се од интерес на локалната заедница.

Покрај целта, на информативните сесии детално беа објаснети условите на повикот,  критериумите за подобност, како и форматите и начинот на аплицирање. 

Најчесто поставуваните прашања на овие информативни сесии беа поврзани со сличностите и разликите на критериумите кои треба да ги исполнуваат носителот на апликацијата и ко-апликантот, начинот на пополнување на формуларот за аплицирање и неговите прилози, како и прашања поврзани со петте онлајн обуки на ГРЦ Академијата, како еден од задолжителните критериуми за подобност на овој повик.

Поставените прашања и одговори од информативните сесии, како и оние поставени на This e-mail address is being protected from spambots. You need JavaScript enabled to view it ќе бидат објавени на веб страницата www.rcgo.mk не подоцна од 15 октомври 2024 година.

Крајниот рок за поставување прашања на е-маил адресата: This e-mail address is being protected from spambots. You need JavaScript enabled to view it поврзани со повикот е 10 октомври 2024 г. до 17:00 часот.

Сите заинтересирани за повикот за акциски грантови за локални иницијативи, своите апликации треба да ги достават најдоцна до 30 октомври 2024 година,  до 17:00 часот, исклучиво на следнава е-пошта:  This e-mail address is being protected from spambots. You need JavaScript enabled to view it .

Информативните сесии беа организирани во рамки на проектот „ЕУ поддршка на Граѓанскиот ресурсен центар – фаза 2“, финансиран од Европската Унија, а спроведуван од Националната фондација за развој на граѓанско општество Граѓански ресурсен центар, Македонскиот центар за меѓународна соработка, Медиа плус, Штип и Асоцијација за демократски иницијативи – АДИ, Гостивар.