Македонски центар за меѓународна соработка - МЦМС

Успешно заврши дводневната Работилница посветена на резолуциите донесени на 10 Конференција на земјите-страни на УНКАК (CoSP) што се одржа на 5 и 6 јуни 2024 година во Струга.

На работилницата учесниците се запознаа со донесените резолуции на CoSP 10, во декември 2023, во Атланта -САД, меѓу кои:

• Резолуцијата Атланта 2023: промовирање на интегритетот, отчетноста и транспарентноста во борбата против корупцијата;
• Резолуцијата Справување со општествените влијанија на корупцијата
• Резолуцијата Промовирање на транспарентност и интегритет во јавните набавки за поддршка на Агендата за одржлив развој 2030 година
• Резолуцијата Подобрување на користењето на информациите за вистински сопственици за зајакнување на враќањето на средствата
• Резолуцијата Заштита на лицата што пријавуваат

Преку презентации, отворени дискусии и работа во групи, учесниците меѓу кои граѓански организации од Платформата за борба против корупцијата, приватниот сектор и претставници на институциите: Државната комисија за спречување корупција (ДКСК), Министерство за правда и Кабинетот на Заменик претседателот на Владата на РСМ, задолжен за политики за добро владеење, дадоа препораки за изработка на план за акција за полесно имплементирање на резолуциите донесени на CoSP10, и за следните чекори.

„Работилницата овозможи запознавање и подобро разбирање на новите глобални стратегии за борба против корупцијата. Таа беше добар форум за граѓанските организации и институциите кои работат во борбата против корупцијата да дадат придонес и препораки за идните активности“, ни рече Мартина Илиевска од Институтот за демократија „Социетас цивилис“-Скопје.

Ова активност е дел од програмата „Граѓаните против корупцијата“ подржана од УСАИД, и проектот: „ ЕУ4 Владеење на правото: Граѓански ангажман за јавен интегритет (ЦЕПИ) во Западен Балкан и Турција“, финансиски поддржан од Европската Унија и Владата на Швајцарија.