Македонски центар за меѓународна соработка - МЦМС

Македонскиот центар за меѓународна соработка денеска информираше дека го спровел проектот „Ресоцијализација на околу 600 бранители и припадници на ОНА вклучени во конфликтот од 2001-вата“.

Учеле англиски јазик и компјутери, а дел од нив работеле во разни фирми. Целта, тврдат во МЦМС, била да се превенира социјалното исклучување на овие луѓе, како и нивните асоцијални и потенцијално опасни однесувања.

Во МЦМС негираат дека објавувањето на извештајот коинцидира со барањето на припадниците на ОНА за добивање пари од државата.
„Се сметаше дека има голем потенцијал за нов конфликт или тлее некое незадоволство кое треба да се адресира. Од тие причини се нафативме да работиме, бидејќи цело време сите вклучени страни сметавме дека треба да има баланс, бидејќи и на двете страни, условно речено, има жртви од конфликтот, има ранети луѓе, има цивилни жртви. Значи, сметавме дека сите треба да бидат поддржани на сличен начин“, рече Александар Кржаловски, МЦМС.

Извор: А1 (12.07.2007)