Македонски центар за меѓународна соработка - МЦМС

Ова беше истакнато на вчерашната прес-конференција на која десетина граѓански здруженија, научни и јавни институции остро реагираат на срамната препорака на Советот на Европа за бришење на Македонците и за додавање на словенски атрибут на зборот македонски. Притоа, беше посочено дека спорниот документ содржи и правни контроверзии, бидејќи се повикува на Резолуцијата 9.523, во која не постојат какви било дополнителни одредби кои би се однесувале на категориите ?националност", ?култура" или ?јазик", а се воведуваат со директива, ниту одредби кои би се однесувале на лица кои припаѓаат на малцинства.

Промовирајќи ја кампањата, финансиски помогната од дневните весници ?Утрински весник", ?Вест" и ?Дневник", Сашо Клековски од МЦМС истакна дека концептот е осмислен со цел секој граѓанин да може да се вклучи во акцијата преку пополнување и испраќање картички до Канцеларијата на Советот на Европа во Македонија или до г. Јан Клајсен во седиштето на меѓународната организација во Стразбур. Картичките се печатени на македонски и на англиски јазик, со мотото ?Викај ме по мое име-Кажи Македонија", ?Не ме фиромизирај", во илјадници примероци и ќе бидат поделени во денешните изданија на трите дневни весници. ?Секој граѓанин може да направи еден мал чекор за разрешување на нашиот проблем, пишувајќи ја својата порака и назначувајќи ја адресата. Ова е голем тест за да се покаже квантум единство во државата", рече Клековски. Граѓаните треба да платат поштарина, а на тој начин, појаснуваат во МЦМС.

Кампањата не е насочена против Советот на Европа, туку директно кон потписникот на уредбата, посочи Клековски, и додаде дека таа поаѓа од идејата граѓанинот да и помогне на владата во нејзината активност околу проблемот со името на државата. Јован Донев од Институтот ?Евро-Балкан" изјави дека во рамките на кампањата против директивата, отвореното писмо ќе биде објавено во домашните медиуми, а ќе биде испратено и до сите земји-членки на СЕ, како и до други меѓународни организации и институции, и до сите странски мисии во РМ. Целта на кампањата е остро да се спротивстави на причините кои довеле до изготвување на директивата, превенција од циркулирање на слични такви документи во други меѓународни владини организации, појасни Зоран Јачев од ?Транспарентност Македонија".

Извор: Утрински весник (16.октомври.2006)