Македонски центар за меѓународна соработка - МЦМС

Започна прибирањето податоци за проценка на овозможувачката околина за развој на граѓанското општество за 2016 година. Ги повикуваме сите граѓански организации да придонесат со своите одговори. Прашалникот може да го пополните доколку ни испратите е-маил и име на организацијата на Kjo Adresë e Postës Elektronike është e mbrojtur nga reklamat e pa dëshirueshme.Ju duhet JavaScript e lejuar për ta shikuar atë најдоцна до 27 октомври 2016 година (четврток). Ќе добиете линк на кој ќе можете да го отворите и пополните прашалникот.

Податоците ќе бидат основа за подготовка на извештај со кој ќе ги информираме релевантните чинители и ќе направиме притисок за развој на соодветно законодавство и неговото доследно спроведување.

Последното истражување резултираше со Извештајот од следењето на овозможувачката околина за развој на граѓанското општество што го подготви и издаде МЦМС на почетокот од 2016 година. Истражувањето се подготвува четврта година по ред.

Прашалникот е подготвен во рамки на проектот „Acquis на балканското граѓанско општество: Јакнење на потенцијалот и капацитетите на граѓанските организации за застапување и лобирање“. Проектот е спроведуван од БЦСДН и членките на БЦСДН, во партнерство со Европскиот центар за непрофитно право (ЕЦНЛ) и Европската мрежа на национални граѓански организации (ЕННА), а финансиски поддржан од Европската Унија.