Македонски центар за меѓународна соработка - МЦМС

На 11 декември 2008 година, во Скопје, МЦМС во соработка со Комисијата за рурален развој при ЗЕЛС ја организираше конференцијата „Руралните општини и поддршката на ЕУ за рурален развој во Македонија – регионални искуства и практики“.

Пред 40-тина претставници на руралните општини свои воведни презентации имаа д-р Мирослава Георгиева, директор на Дирекцијата за рурален развој при Министерството за земјоделие и храна на Република Бугарија и Стојан Лазарев, претседателот на Комисијата за рурален развој при ЗЕЛС и градоначалник на Општина Конче.

Конференцијата имаше за цел размена на искуствата и споделување на успешните практики и модели за улогата на руралните општини и асоцијациите на руралните општини во искористување на пред-пристапните ЕУ фондови за рурален развој.