Македонски центар за меѓународна соработка - МЦМС

На почетокот на септември оваа година, МЦМС го реактивираше проектот „Мојот избор“ што треба да овозможи подобра информираност на јавноста за локалните избори 2017 година. 

Граѓаните веќе имаа можност да видат неколку анализи подготвени на основа на резултатите од претходните изборни циклуси, но и анкети подготвени за овие локални избори. Веб страната www.mojotizbor.mk ќе им понуди на заинтересираните интернет корисници информации за изборните остварувања. 

Преку инфографици ќе бидат презентирани изборните остварувања на градоначалниците во претходнот мандат на принципот „ветено – остварено“, ќе биде направен целосен преглед на кандидатите за градоначалници по општини и по партија/коалиција. Таму каде што е возможно ќе бидат објавени кратки биографии, а ќе бидат подготвени и споредбени анализи по неколку основи: родов, етнички и регионален баланс на кандидатите; споредба на „нови“ со „стари“ кандидати итн.

Изборните програми на кандидатите за градоначалници ќе бидат анализирани, а ќе бидат објавени и информации за најавените митинзи на политичките партии/коалиции и листата на избирачки места.

МЦМС објавува и ќе објавува свои информации и податоци, но заради што подобро информирање на јавноста, ќе објавува и информации и анализи подготвени од други организации објавени во нивните гласила. Во таа смисла ќе бидат објавени и сите достапни анкети за рејтинзите на кандидатите во предизборието. По изборите ќе биде објавена и анализа која ќе спореди наодите од анкетите со изборните резултати.

Веб-страна: http://www.mojotizbor.mk

Facebook: http://www.facebook.com/mojotizbor

Twitter: http://twitter.com/mojotizbor