Македонски центар за меѓународна соработка - МЦМС

Граѓаните на Желино на 10 октомври 2012 година, во просториите на ОУ „Луиѓ Гуракуќи“ ја одржаа четвртата форумска сесија. Тие разговараа за седум предлог проекти и тоа: Изградба на втора фаза на ОУ „Пашко Васа“ во село Копачиндол; Опремување со основен инвентар на училиштата во о. Желино; Доградба и опремување на библиотека и кабинет за информатика во ОУ „Луиѓ Гуракуќи“ во село Желино; Изградба на спортски терени во ОУ во с. Чифлик и с. Дебрце; Поставување на пристапни рампи во осум ОУ за децата со посебни потреби; Изградба на втора фаза на ОУ „Пашко Васа“ во село Новосело и Изградба на втора фаза на ОУ „Пашко Васа“ во село Мерово.

Граѓаните на Желино се задоволно од спроведување на формскиот процес. Шукри Челеби вели дека форумот сензибилизирал луѓе кои знаат и можат да дадат придонес за проекти кои „навистина заслужуваат да се финансираат со овој проект“. „За мене претставува задоволство да бидам учесник на овие форуми“, вели Едуан Узаири. „Ми се допаѓа начинот на организација и посакувам да имаме успех со проектите кои ги презентиравме и да се финансира најдобриот од нив“, додаде тој.  За Ештреф Амети форумите се новина која треба да стане пракса. „Во иднина, самата општина треба да организира вакви форуми бидејќи, со овие сесии мислам дека и општинската администрација се здоби со искуство кое може да биде корисно за реализација на вакви иницијативи“, рече тој.

На сесија на граѓаните им беа презентирани критериумите според кои ќе се прави избор на проектите на последната форумска сесија. На крајот на форумската сесија беше формирана работна група за подготовка на препораки кои граѓаните ќе и ги предадат на општинската администрација на последната, петта форумска сесија.

На сесијата присуствуваа 72 граѓани на општина Желино и гости.