Македонски центар за меѓународна соработка - МЦМС

Втората форумска сесија во Чешиново Облешево се одржа на 28 ноември 2011 година. Граѓаните идентификуваа голем број проблеми кои се однесуваа на темата што ја избраа на претходната сесија – Јавна чистота.

Тие главно се однесуваа на недостатокот на механизација и друга опрема за собирање на сметот, на проблемите со дивите депонии како и на недостатокот на свест кај граѓаните. По идентификувањето на проблемите, тие понудија и интересни решенија кои би можеле да се развиваат во понатамошните фази на форумскиот процес.

„Екологијата кај нас беше голем проблем бидејќи општината немаше доволно капацитети за да ги обработи сите отпадни материи кои се произведуваа во околните села. Со проектот Форуми во заедницата ќе се зголемат капацитетите на општината за решавање на овој проблем и ние во иднина ќе имаме многу подобри услови за решавањето на еколошките потреби на граѓаните“, рече Антонио Стојанов.

На граѓаните им беше презентирано како треба да изгледаат и што да опфатат концептите за предлог проекти кои треба да се развиваат до следната форумска сесија. „Ваквиот начин на распределба на општинскиот буџет е многу значаен за развој на нашата општина. Со проектот очекуваме дека ќе влијаеме на нашата средина и ќе изградиме подобри услови за поубава и почиста средина“, реле Дејан Петров.

На сесијата учествуваа 112 граѓани кои активно дискутираа за сите прашања. Еден дел од нив, ќе продолжат да работат помеѓу двете форумски сесии и ќе развиваат концепти за предлог проекти кои ќе им бидат презентирани на граѓаните на третата форумска сесија на 12 јануари 2012 година.