Македонски центар за меѓународна соработка - МЦМС

Од 3 до 4 ноември оваа година во Маврово се одржа работилница за прекугранична соработка и вмрежување, на која учествуваа 18 организации од полошкиот регион и пет организации од регионот Дибра во Албанија.

Целта на работилницата беше да се идентификуваат приоритетните прашања и да се испланираат заеднички активности на граѓанските организации од полошкиот регион за соработка со организациите од пограничниот регион на Албанија.

Учесниците во работни групи ја анализираа состојбата, идентификуваа и избраа приоритетни проблеми и дефинираа заеднички активности и засегнати страни во повеќе области: вработување, одржлив развој, дискриминација и културно и природно богатство. Повеќето учесници препорачаа да се организираат повеќе слични тематски работилници и/или состаноци за соработка со организациите од пограничниот регион со Албанија.

Вакви работилници веќе се одржаа во Елбасан и Пешкопеја за организациите од пограничниот регион во Албанија.

Работилницата се одржа во рамките на проектот „Прекуграничен форум на граѓански организации", кој го спроведуваат во партнерство Македонскиот центар за меѓународна соработка (МЦМС), ЕД „Дешат" и Институтот за демократија и медијација (ИДМ) од Албанија, а е финансиран од Европската Унија во рамките на ИПА – Прекугранична соработка.

Работилницата за организациите од југозападна Македонија ќе се одржи на 10 и 11 ноември 2011 г. во Струга.