Македонски центар за меѓународна соработка - МЦМС

Автор: Даниел Станоески
Дата: Мај, 2024
PDF: Country_Report_for_2023_MM_in_North_Macedonia.pdf

Соработката помеѓу граѓанското општество и владата за време на процесите на креирање политики и усвојување закони е од суштинско значење за современиот демократски процес во Северна Македонија. Овие интеракции се клучни за поттикнување на соработка, дијалог и доверба помеѓу владата и организациите на граѓанското општество. Кодексот за добри практики за учество на граѓанскиот сектор во процесот на креирање политики ги опфаќа различните форми на соработка, вклучувајќи споделување информации, консултации, дијалог и партнерство, низ сите фази на креирање политики.

Овој извештај се базира на анализа на податоци собрани од годишна анкета фокусирана на ГО, анализа на работата на Парламентот, ЕНЕР и одговори на прашалник за консултативни механизми со организации од граѓанското општество за време на подготовката на предлог-закони и други акти во 2023 година. 

Севкупната околина за граѓанските организации (ГО) во Северна Македонија е генерално поддржувачка, но постојат области кои треба да се подобрат. Владата треба да ги засили своите напори за интегрирање на ангажманот на граѓанското општество во приоритетните области и консултативните процеси. ГО треба да играат значајна улога во реформската агенда и активно да бидат вклучени во процесите на донесување одлуки.

Правните и финансиските рамки бараат измени и практична имплементација, особено за воспоставување конзистентни механизми за распределба на јавни средства кон ГО. Обновувањето на активностите на Советот за соработка помеѓу Владата и граѓанското општество е клучно за поттикнување дијалог и соработка помеѓу овие сектори.

Во заклучок, додека овоможувачката околина за ГО во Северна Македонија има позитивни аспекти, постојат јасни можности за подобрување, особено во правните и финансиските рамки и институционалните механизми за соработка помеѓу владата и граѓанското општество.