Македонски центар за меѓународна соработка - МЦМС

Институтот за демократија „Societas Civilis“ - Скопје (ИДСЦС) и Македонскиот центар за меѓународна соработка (МЦМС) во јули 2012 г. ги истражуваа ставовите и перцепциите на граѓаните за теми од домашната политичка сцена, преку прашања поврзани со рејтинзите на политичките партии и предизборните здружувања помеѓу политичките партии. Следат објавите на медиумите за  „Рејтинзи на политичките партии и предизборно здружување“.

Во четврток 27.09.2012 со почеток во 19.30 во ресторанот ,,Мис Стон,, во Василево ќе се одржи првата форумска сесија во рамки на програмата ,,Форуми во заедницата,, што општините Василево и Босилово ќе ја спровeдат во соработка со Македонскиот центар за меѓународна сорабока како имплементирачка организација. Станува збор за меѓуопштински форум  финансиран од Швајцарската агенција за развој и соработка, која издвои 3 400 000 денари за реализација на проекти од интерес на граѓаните на двете општини а во кои финансиски ќе учествуват и двете локални самоуправи со по 1 700 000 денари. Ова значи дека граѓаните на општините Василево и Босилово сами ќе одлучуваат за што ќе бидат искористени средствата во висина од 6 800 000 денари од ова програмата ,,Форуми во заедницата,,.

Извор: Југоинфо (26.09.2012)

Главната улица темелно ќе биде обновена

Проектот е избран како приоритет од граѓаните, а инвестицијата од 4 милиони денари ја обезбедуваат Швајцарската агенција за развој и локалната самоуправа

Најкритичниот дел од главната улица во Kрива Паланка, на локалитетот кај Старата чаршија, конечно ќе биде реконструиран, со што ќе се заврши обновувањето и уредувањето на делницата во централното градско подрачје. Овој проект се реализира како дел од програмата „Форуми во заедницата“, со финансиска поддршка од Швајцарската агенција за развој и соработка. Самите граѓани на Kрива Паланка одбраа со парите од програмата да биде изградена улицата, како најприоритетен проект за општо добро.

Извор: Дневник (17.09.2012)