Македонски центар за меѓународна соработка - МЦМС

Балканската мрежа за развој на граѓанското општество (БЦСДН) по осум години, кога започна како пилот проект и пет години функционирање како мрежа, на 1 октомври е регистрирана како правен субјект. Во месец јули се одржа основачкото собрание каде беа усвоени Статутот и Стратегиската ориентација 2009-2011 и беше избран Советот, Одборот и Извршниот директор.

Основачи на Балканската мрежа за развој на граѓанското општество се 11 организации од Балканот: Албанска фондација за граѓанско општество (Албанија), Центар за развој на невладини организации (Црна Гора), Центар за информативен сервис, соработка и развој на НВО (Словенија), Центар за промоција на граѓанското општество (Босна и Херцеговина), Цензура Плус (Хрватска), Граѓански иницијативи (Србија), Диаконија Агапес (Албанија), Косовска фондација за граѓанско општество (Косово), Македонски центар за меѓународна соработка (Македонија), Асоцијација за можности Романија (Романија) и Асоцијација Веста (Босна и Херцеговина).

Извршен директор на БЦСДН е Тања Хафнер Адеми.