Македонски центар за меѓународна соработка - МЦМС

На 30 април 2026 година, во просториите на Граѓанскиот ресурсен центар (ГРЦ) во Скопје, тимот на Цивика мобилитас одржа работилница за финансиско известување. Работилницата беше наменета за добитниците на партнерските грантови од повикот ЦМ-ПГ-2.

Вкупно 19 учесници од сите 11 грантисти, вклучително координатори на проекти и лица задолжени за финансии, дискутираа со тимот на Цивика мобилитас за тоа како полесно и поефикасно да ги следат и известуваат за трошоците настанати при спроведување на проектните активности.

Тимот на Цивика мобилитас го презентираше системот за финансиско известување преку дигиталната платформа за електронско споделување, прикачување и управување со документи. Притоа, беа објаснети чекорите за прикачување документација и генерирање финален извештај. На грантистите им беше овозможен и директен пристап до системот, со практична поддршка во живо.

Грантистите се интересираа за функционирањето на системот, како и за други прашања во врска со спроведувањето на конкретните грантови.

„Работилницата беше навистина корисна од повеќе аспекти, особено делот со споделената (shared) Excel табела за трошоци и финансиски извештај. Овој пристап овозможува многу прецизно следење на буџетот и значително го намалува ризикот од преклопувања. Исто така, би ја истакнале прегледноста на табелите и јасноста во нивното објаснување, како и поддршката при влез и користење на платформата“, додаде Симона Леви од Првата детска амбасада во светот „Меѓаши“.

Работилницата придонесе за подобро разбирање на процедурите за финансиско известување и за поефикасна комуникација меѓу грантистите и тимот на Цивика мобилитас во текот на спроведувањето на проектите.