На 25 ноември 2011 г. на Скопскиот саем МЦМС ја одржа националната конференција „Граѓански дијалог на локално ниво: размена на искуства“. Конференцијата беше дел од саемот на општините ЗЕЛС ЕКСПО.

Денес од 15:00 до 16:30 во рамките на саемот на општините ЗЕЛС ЕКСПО, Македонскиот центар за меѓународна соработка (МЦМС) ќе одржи завршна конференција за проектот Граѓански дијалог на локално ниво.

Заокружен е консултативниот процес на подготовка на стратегија за соработка со граѓанските организации во општина Битола. Формирана е работна група и направени се консултации преку форуми.

Во септември се одржаа првите состаноци на работните група за подготовка на стратегии за соработка на локалната самоуправа со граѓанските организации во трите пилот општини, Дебар, Јегуновце и Битола. Работните групи се дел од процесот на креирање институционален механизам за соработка на ЕЛС со граѓанскиот сектор и развивање на стратегија за соработка и вклученост во креирањето и донесувањето на локалните политики.

На 13 јули 2011 година, во хотелот Холидеј ин во Скопје МЦМС ја одржа меѓународната конференција „Граѓански дијалог на локално ниво". Целта на конференцијата беше да се согледаат регионалните и домашните искуства за соработка меѓу властите и граѓанските организации на локално ниво, и да се предложи модел за поефикасна соработка и одржлив граѓански сектор на локално ниво.